வேண்டுவன.............!

மனதி லுறுதி வேண்டும் -

வாக்கினிலே இனிமை வேண்டும்

நினைவு நல்லது வேண்டும் -

நெருங்கினப் பொருள் கைப்பட வேண்டும்

கனவு மெய்ப்பட வேண்டும் -

கை வசமாவது விரைவில் வேண்டும்

தனமு மின்பமும் வேண்டும் -

தரணியிலே பெருமை வேண்டும்

கண் திறந்திட வேண்டும் -

காரியத்தில் உறுதி வேண்டும்

பெண் விடுதலை வேண்டும்

பெரிய கடவுள் காக்க வேண்டும்

மண் பயனுற வேண்டும்

வானகமிங்கு தென்பட வேண்டும்

உண்மை நின்றிட வேண்டும்

ஓம் ஓம் ஓம் ஓம்..............!

- மகாகவி